Curators’ Studios

إنْترفيرونس هو بيئة متع بحث و تعلّم في التّفكير الفنّي و إنتاج و عرض الفنّ المعاصر. ستوديوهات أنترفيرونس هوما مجموعات تخدم و تهتمّ كلّ وحدة بإنتاج عدد معيّن من الأعمال الفنيّة في إطار المهرجان

ْكلّ ستوديو يقودو كْيُورَايْتر من تونس. مع العلم إنّو هاذي أوّل مرّة كلّ واحد فيهم ياخذ مسؤوليّة إنتاج عروض فنيّة في الفضاء العامّ. الكْيُورَايْترز يخدموا تحت إشراف المديرين الفنّيين أيمن الغربي و بتّينا بلْز و مع الفنّانين الّي تابعين كل سْتوديو. ا

خلود البنزرتي و فرانكِي ماكولاَي، مريم الصّدّي و نور بن حديد، أمين الغربي و هالة دغري، سلمى القسمطيني و درّة تواتي، هيفاء محمود و أنس كمّون، سيرين سيالة و جستِن مالاتشاوسكي، هوما مجموعات الكْيُورِايْترْز الّي قاعدين يخدموا على المشروع ليهم أكثر من عام بش يحضّروا العرض

ثلاثة مالستوديوهات تْسمّاوْ على حركات فنيّة أو مجموعات فنّانين كان ليهم تأثير كبير على الفنّ المعاصر في ال100 سنة الّي فاتوا: ڤـْراڥْ في فرنسا، زِيـرُو في ألمانيا، الضّوْء و الفضاء في الولايات المتّحدة

ستوديو كـَاندِيلا تسمّى على مبادرة كـَانديلا الّي تركّز على التّبادل ، خلق العلاقات و الإنتاج المتضامن في فنّ الضّوء في القارّة الإفريقيّة

ستوديو التراث الثقافي يهتمّ بالتفاعل بين التراث الفردي و الثقافي

ستوديو إيـكُو يخدم مع الفنّانين الّي يستعملوا النّفايات و يخلقوا منها موارد

 

 

Begin typing your search term above and press enter to search. Press ESC to cancel.

Back To Top